لکھنؤ 6/اگست (ایس او نیوز/ایجنسی)  اُترپردیش  اے ٹی ایس نے جمعہ کو جھانسی ضلع کے کلکٹریٹ آفس میں واقع  ایڈمرل (انصاف) کے دفتر میں تعینات ایک اسٹینو کو حراست میں لیا ہے.جس  پر پاکستان کی خفیہ ایجنسی آئی ایس آئی کے لئے جاسوسی کرنے کا الزام ہے۔  اے ٹی ایس ٹیم نے ایڈمرل آفس میں رکھے گئے  کمپیوٹر کو بھی  ضبط کرتے ہوئے   اپنے قبضے میں لے لیا ہے. ساتھ ہی اے ٹی ایس کو کچھ اہم دستاویزات بھی برآمد ہونے کی اطلاعات ملی ہیں۔

آئی جی اے ٹی ایس اسیم ارون نے بتایا کہ کافی دنوں سے خبر مل رہی تھی کہ جھانسی کے ایڈمرل آفس سے پاکستان کی خفیہ ایجنسی آئی ایس آئی کو فوج سے منسلک خفیہ معلومات  بھیجی جا رہی ہے. اسٹینو راگھویندر اسی میز پر تعینات تھا، جہاں سے اطلاعات لیک ہو رہی تھی. جس کی بنیاد پراُسے حراست میں لے کر پوچھ گچھ کی جا رہی ہے.

 جھانسی ضلع میں فوج کی سب سے بڑی چھاؤنی ہے جسے سیکورٹی کے لحاظ سے انتہائی حساس سمجھا جاتا ہے.

جھانسی کے كلیکٹریٹ آفس میں واقع ایڈمرل کا آفس ہے. جہاں راگھویندرا سٹینو کے عہدے پر تعینات ہے. راگھویندر کی یہاں تعیناتی تقریبا ڈیڑھ ماہ قبل ہی ہوئی تھی. اے ٹی ایس ذرائع کی مانیں تو انہیں شک ہے کہ، اسٹینو راگھویندر  گزشتہ طویل عرصے سے پاکستان کی سیکورٹی ایجنسی آئی ایس آئی کو فوج کی خفیہ معلومات بھیج رہا تھا۔

خیال رہے کہ  راگھویندر  جھانسی کے کوتوالی تھانہ علاقہ کے نئے بستی پٹھوريا کا رہنے والا ہے۔ اے ٹی ایس ذرائع کی مانیں تو راگھویندر  کو شاید آئی ایس آئی نے ہنی ٹریپ کے جال میں پھانس کر اپنے لئے جاسوسی کے لئے منوایا تھا. اگرچہ اس تعلق سے اب تک کوئی سرکار کی طرف سے تصدیق نہیں ہوئی ہے.